ҚР Бош вазирининг ўринбосари Қ. Бўзумбаев вилоятимизга хизмат сафари чоғида минтақадаги йирик сув омборларига бориб, уларнинг ҳолати билан танишди.

Дастлаб вертолёт ёрдамида «Бўген», «Байдибек ата» ва «Чордара» сув тўғонлари устидан ўтиб, кузатишни давом этди. Сув сатҳи, тарқалиши ва тўлдириш қобилияти билан танишди. Кейин «Кўксарой» сув тақсимлагичига ташриф буюриб, у ердаги ҳолатни кузатди. Вилоят ҳокими Н. Кўшеров ва фавқулодда вазиятларнинг олдини олиш бўйича масъул раҳбарларнинг тошқиннинг олдини олиш бўйича иш режаларини тинглади.

«Кўксарой»га жами 3 миллиард кубометр сув сиғади. Аммо ҳозирги вақтда техник ҳолат туфайли атиги 1,5 миллиард кубометр сув қабул қилинмоқда. Шунинг учун «Кўксарой» сув тақсимлагичини таъмирлаш учун Сув хўжалиги қўмитаси ҳужжатларни тайёрлади. Бу йил «Ислом тараққиёт банки» ёрдамида қурилиш-монтаж ишларини бошлаш режалаштирилган. Лойиҳа ишга туширилса, «Кўксарой»да 3 миллиард кубометр сув йиғилиш имкони пайдо бўлади.

Қ. Бўзумбаевга «Бўген», «Байдибек ата» ва «Чордара» сув омборларининг ҳозирги ҳолатига оид маълумотлар ҳам тақдим этилди. 

Бош вазир ўринбосари сув иншоотларига тегишли таклиф ва мулоҳазаларни тинглагач, сув тошқини мавсумига шай туриш кераклигини уқтирди.