Минтақа раҳбари Н. Кўшеров Чордара туманига хизмат сафари чоғида «Бадастир мактаб» миллий лойиҳаси доирасида қад ростлаган 1200 ўринли таълим даргоҳини оралаб, қурилиш сифатини назорат қилди.  

Ушбу лойиҳа доирасида туманда 2та мактаб барпо этиш режалаштирилган, бугунги кунда 1200 ўринлиси тўлиқ якунланди. Бу ерда 150та иш ўрни яратилади. Замонавий таълим муассасалари муҳандислик инфратузилмаси билан тўлиқ таъминланган. Умумий майдони 4,2 гектар бўлган мактаб қурилишини «Самұрық-Қазына Construction» ҲЖ амалга оширди. Ушбу таълим даргоҳи кутубхона, спорт зали, компьютер синфи ва мажлислар зали билан жиҳозланган.

Вилоят ҳокими мактаб биносида маҳаллий аҳоли билан учрашиб, ўзаро фикр алмашди. Таклифларни тинглаб, минтақани ривожлантиришнинг асосий йўналишлари ҳақида гапирди. 

Минтақани электр энергияси билан таъминлаш долзарб муаммо ҳисобланади. Вилоятдаги ягона энергия ишлаб чиқарувчи корхона – «Чордара сув электр станцияси». Бу ерда энергия манбаи ишлаб чиқарилади. Вилояти ҳокими Н. Кўшеров ушбу станция идорасига бориб, ишлаб чиқариш жараёни билан танишди. Ва мутасаддиларга тегишли кўрсатмалар берди.