Мамлакатимизда меҳ­натни қилиш ҳамда унинг хавфсизлигини таъминлаш борасида залворли ишлар амалга оширилмоқда.

Яқинда Сариоғоч туманидаги Тўлибай ботир номли мактабда таълим муассасалари раҳбарлари ва мутасаддилари иштирокида ҚР “Меҳнат Кодекси”ни ўрганишга бағишланганмашғулот уюштирилди. Мазкур ҳужжатнинг 182-боби талаблари асосида ташкил этилган тадбирда ҚР Меҳнат ва аҳолини ижтимоий ҳимоя қилиш вазирлигига қарашли республика илмий-тадқиқот институтининг Шимкент шаҳри ва Туркистон вилояти бўйича филиали директори Фахриддин Қоратоев иштирок этди.

У Қозоғистон Республикаси Президенти Қасим-Жўмарт Тўқаев “Ана тiлi” газетасига берган мусоҳабасида, шунингдек, яқинда ўтган Ҳукуматнинг кенгайтирилган йиғилишида мамлакатимиз ички ва ташқи сиёсатига оид муҳим масалаларга тўхталиб, жорий йилнинг “Ишчи касблари йили” деб эълон қилиниши муносабати билан меҳнат одамини қадрлаш, уларга етарли эҳтиром кўрсатиш, ёшларни ишчи касбларни эгаллашга жалб қилиш зарурлигини таъкидлади.