Х. А. Яссавий номидаги ХҚТУда Қозоғистон халқи Ассамблеясининг 30 йиллиги доирасида “Этнослараро ҳамжиҳатлик: элнинг тараққиёт майдонидаги аҳамияти” мавзуида давра суҳбати ўтди.

Вилоят ижтимоий тараққиёт бошқармаси “Жамоат тотувлиги” ДКК ҳамда Х.А.Яссавий номидаги ХҚТУ ҳамкорликда уюштирган тадбир юртимиздаги этнослараро тотувлик ва ҳамжиҳатликни мустаҳкамлаш, турли этник гуруҳларнинг маданиятлари ҳамда анъаналарини қадрлашни тарғиб қилиш, ҚХАнинг 30 йиллиги доирасидаги режа лойиҳаларини амалга оширишга йўналтирилди.

Учрашувда виолят ижтимоий тараққиёт бошқармаси раҳбарининг ўринбосари Нурсултан Сейтжанов ҚХАнинг жамиятда этнослараро тотувликни таъминлашдаги аҳамиятига тўхталди.

Олий таълим ректори Жанар Темирбекова сўзга чиқиб, халқаро университетнинг этнослараро ҳамжиҳатлик ва туркийтилли оламни бирлаштиришдаги аҳамиятига урғу берди.

Тадбирда эл тараққиёти майдонидаги этносларнинг аҳамияти, уларнинг иқитисод, таълим ва маданият соҳасидаги салоҳияти ҳамда минтақада “Қонун ва интизом” тамойилини илгари суриш борасида таклиф ҳамда мулоҳазалар билдирилди. Бу борада “Жамоат тотувлиги” ДККнинг раҳбари Элмира Жанғазиева, вилоят ўзбек этномаданият жамоат бирлашмаси оқсоқоллар кенгашининг раиси Зуппархан Чолдонов, “Дин масалалари тадқиқот маркази” ДКК директори Медет Халиқов, университет профессори Сейдулла Садиқов, ҳуқуқни муҳофаза қилиш органлари вакиллари сўзга чиқиб, фикр алмашишди. Иштирокчилар ўз тажрибалари билан ўртоқлашиб, этнослараро тотувликни такомиллаштириш йўлида аниқ таклифларни илгари суришди.