Қозоғистон Республикаси Конституцион Суди янги Конституциянинг кучга кириши муносабати билан “Янги Конституция: барқарор тараққиётнинг тизимли ривожланишнинг институционал ва ҳуқуқий асоси” мавзуида илмий-амалий анжуман ўтказди. Унда давлат идоралари, Парламент, суд тизими, адвокатура, халқаро ташкилотлар, илмий-таҳлилий ҳамжамият вакиллари, шунингдек, мамлакатимиздаги ва дунёдаги етакчи олий ўқув юртларининг олимлари ва таҳлилчилари қатнашди.

Қозоғистон Республикаси Конституциявий Суди раисаси Элвира Азимова анжуманни очиб, 2026 йил 15 мартда референдумда қабул қилинган Қозоғистон Республикаси Конституцияси 2026 йил 1 июлдан кучга кираётгани хусусида батафсил тўхталди.

Э. Азимова ўз сўзида “Қозоғистон халқининг хоҳиш-иродаси туфайли мамлакатимизнинг конституциявий тараққиётида янги даврнинг пойдевори қаланди. Бу ҳуқуқий тизим, давлат бошқаруви ва инсон ҳуқуқлари ва эркинликларини ҳимоя қилиш дастакларини янада ривожлантиришнинг стратегик дастурини аниқлаб берди.

Янги Конституциянинг кучга кириши билан Конституциявий Суд Бош Қомуснинг устуворлигини таъминлаб, конституциявий қадриятларни муҳофаза қилишни янада кучайтиради. Бу Қозоғистоннинг тарихий ҳамда ҳуқуқий тараққиётининг янги даври бошланганини англатади”, дея таъкидлади у.

Мавзулар юзасидан фикр алмашувлар давомида иштирокчилар янги Конституциянинг ҳуқуқий тизимни ривожлантиришдаги аҳамиятини муҳокама қилишди. Қонун олдида барча бирдек жавобгар бўлиши, қонунчиликни такомиллаштириш, жамоат тотувлигини кучайтириш масалаларига алоҳида эътибор қаратилди.

Инсон ҳуқуқларини ҳимоя қилиш доирасидаги чақириқлар, рақамли ҳуқуқларни ривожлантириш, ҳуқуқий маданиятни юксалтириш ва ҳуқуқий ахборотнинг оммабоплигини кенгайтириш масалалари ҳам атрофлича муҳокама қилинди. Тадбирда қозоғистонлик етакчи олимлар, Конституциявий Суд, Конституциявий комиссия, олий ўқув юртлари ва тадқиқодчилик институтлари вакиллари маъруза қилди.

Тадбир давомида Конституциявий Суд раиси Элвира Азимова ва “Қазпошта” ҲЖ Бошқаруви раиси Бекежан Жакеев Қозоғистон Республикаси янги Конституциясининг кучга кириши муносабати билан нашр этилган почта маркасига муҳр босиш тадбирида қатнашди.