Вилоят ҳокими Нуралхан Кўшеров Саврон туманининг Эски Иқон қишлоғида жойлашган “Turkistan et ónimderi” МЧБ томонидан амалга оширилаётган бўрдоқичилик мажмуасига ташриф буюриб, лойиҳанинг амалга оширилиш жараёни билан танишди.

Вилоят раҳбари мажмуани кўздан кечираркан, чорвадорлар билан суҳбатлашиб, уларнинг таклиф-истакларини тинглади. Шунингдек, қишлоқ хўжалигини ривожлантириш, чорвачилик маҳсулотлари ҳажмини ошириш, янги иш ўринлари яратиш ҳамда ҳудуднинг экспорт салоҳиятини юксалтириш борасидаги режалар ва давлат томонидан кўрсатилаётган қўллаб-қувватлаш дастаклари муҳокама қилинди.

Вилоят раҳбари лойиҳани белгиланган муддатда ва сифатли якунлаш муҳимлигини таъкидлаб, масъулларга қатор топшириқлар берди.

40 гектар майдонни эгаллаган мазкур мажмуада 5 минг бош қорамолни сўқимга боқадиган кун давомида 120 бош мол сўйиш қувватига эга кушхона барпо этилмоқда. Шунингдек, чорвадорлар учун турар жойлар, маъмурий-ишбилармонлик маркази ва қўшимча инфратузилма иншоотлари ҳам шулар жумласидан.

Шунингдек, мажмуа ҳудудида “Муталлиб Агро” ИЧШга қарашли бўрдоқичилик майдончаси ҳам қад ростламоқда. Ушбу лойиҳалар “Қишлоқ омонати” дастури доирасида молиялаштирилади.