Вилоят ҳокими Нуралхан Кўшеров хизмат сафари билан Саврон туманига ташриф буюриб, Чўрноқ қишлоғидаги янги спорт мажмуасининг очилиш маросимида иштирок этди.

Минтақа раҳбари маҳаллий аҳолини иншоотнинг очилиши билан қутлаб, оммавий спортни ривожлантириш – давлат сиёсатининг устувор вазифаси эканлигини таъкидлади.

– Бугун Саврон заминида яна бир эзгу ишнинг гувоҳи бўлмоқдамиз. Барчангизни Чўрноқ қишлоғидаги янги спорт мажмуасининг очилиши билан табриклайман. Спорт – шунчаки жисмоний тарбия эмас, у – миллат саломатлиги, тартиб-интизом дегани. Давлат раҳбари Қасим-Жўмарт Тўқаев оммавий спортни ривожлантириш – миллат саломатлигига қуйилган сармоя эканлигини кўп айтади. Президент топшириғига мувофиқ, Туркистон вилоятида спорт инфратузилмасини ривожлантиришга алоҳида эътибор қаратилиб, сўнгги икки йилда 28та спорт иншооти фойдаланишга топширилди. Жорий йилда эса яна 9та спорт мажмуаси қад ростлайди. Туркистон – чемпионлар етишиб чиққан минтақа. Ушбу мажмуадан ҳам Жаҳон чемпионлари етишиб чиқишига ишонаман, – деди Нуралхан Кўшеров.

Мажмуани кўздан кечирган вилоят ҳокими ёш спортчилар билан мулоқотда бўлди. Иншоотнинг моддий-техника базасини юксак баҳолаб, ёшларга муваффақиятлар тилади.