ҚР Марказий сайлов комиссияси раиси Нурлан Абдиров хизмат сафари доирасида вилоятимизга ташриф буюрди. Сафардан мақсад – 23 август куни ўтадиган Қозоғистон Республикаси Қурултойи депутатлари сайловига тайёргарлик тадбирларининг уюштирилиши билан танишиб, маҳаллий сайлов комиссияларига услубий ёрдам кўрсатиш эди.

Сафар давомида Нурлан Абдиров Туркистон шаҳридаги 133, 951 ва Кентов шаҳридаги 39- ва 44-сайлов участкаларининг фаолияти билан танишди. Уларнинг моддий-техника базаси, овоз бериш кабиналари, қутиларнинг ҳолати, ташкилий асбоб-ускуналар билан жиҳозланиши, хавфсизлик масалалари назорат қилинди.

Н. Абдиров сайлов комиссияларининг аъзолари билан учрашиб, сайловчиларнинг тизимларини пухталаш, бюллетенларни қабул қилиб олишга тайёргарлик ишларини муҳокама қилди. 

Мажлисда МСК раисининг ўринбосари Мухтар Ерман, Туркистон вилоят ҳокими девони раҳбари Файзулла Байдуллаев, бошқарма раҳбарлари, соҳага мутасаддилар иштирок этди.  Унда Н. Абдиров сайлов куни фуқароларга, айниқса, қариялар ва ногиронларга қулай шароит яратишнинг аҳамиятига тўхталди, тегишли топшириқлар берди. Бундан ташқари, у давлат идоралари ва ҳудудий сайлов комиссияларининг вакиллари иштирокида махсус кенгаш ўтказди – унда сайлов жараёнини шаффоф ва қонун доирасида ўтказиш масалалари кўрилиб, ҳар бир сайлов комиссияси раисига сайловчиларнинг конституциявий ҳуқуқларини тўлиқ амалга ошириш учун зарур чора-тадбирларни вақтида қўллашни топширди. 

Вилоятимизда 2 миллиондан зиёд аҳоли мавжуд. 1204659 фуқаро овоз бериш ҳуқуқига эга. Бу аҳолининг 56 фоизи демак. Сайловни сифатли уюштириш мақсадида вилоятимизда 18та ҳудудий, 952та участка сайлов комиссияси фаолият юритмоқда. 

Ногирон фуқароларнинг овоз беришига қулай шароит яратишга алоҳида эътибор қаратилмоқда. Вилоятда бундай сайловчиларнинг сони – 14873. 

Ҳозир комиссия аъзолари сайловчиларга чақирув қоғозларини тарқатмоқда. Бу иш 12 августгача давом этади.