Президент Қасим-Жўмарт Тўқаев “Sinovation Ventures” ва “01.ai” компаниялари бош директори Ли Кай-Фу билан учрашди.

Учрашувда Ли Кай-Фунинг Қозоғистонда сунъий идрокни ривожлантириш ва рақамли трансформация бўйича ёндашувларни шакллантиришга қўшган таҳлилий ҳиссаси алоҳида таъкидланди.

Қасим-Жўмарт Тўқаев Ҳукумат Ли Кай-Фу тавсиялари ва илғор халқаро тажрибага таянган ҳолда, сунъий идрокни ўрта таълим тизимига жорий этиш лойиҳасини амалга оширишга киришганини маълум қилди.

Ли Кай-Фу, ўз навбатида, кам сонли ўқувчилар таҳсил оладиган мактабларда сунъий идрокни жорий этиш лойиҳасининг асосий йўналишлари ҳақида ахборот берди. Лойиҳанинг дастлабки босқичида 2026 йил сентябридан 10та мактабда тажриба-синов ишлари бошланган. 2027 йил январь ойида лойиҳани 60та, апрель ойида эса 500та мактабга кенгайтириш режалаштирилган.

Президент лойиҳанинг қамров доирасини босқичма-босқич кенгайтириш, энг муҳими, лойиҳа таълим сифатини оширишга хизмат қилиши кераклигини таъкидлади.

Сунъий идрок имкониятларидан шаҳарлар қатори қишлоқларда ҳам тенг фойдаланиш учун зарур шароит яратиш кераклиги таъкидланди. Шу нуқтаи назардан, Давлат раҳбари сунъий идрокдан тадбиркорликни ривожлантириш воситаларидан бири сифатида фойдаланиш истиқболларига эътибор қаратди.

Учрашув давомида Қасим-Жўмарт Тўқаевга сунъий идрок ва рақамли трансформация соҳасидаги қатор ташаббуслар ҳам тақдим этилди.