26 март 2017 йил
booked.net
+12
°
C
+12°
+1°
Шымкент
Четверг, 06
Прогноз на неделю
1991 йил 1 апрелдан чиқа бошлаган Туркистон вилоятининг ижтимоий-сиёсий газетаси
Биз ижтимоий тармоқдамиз:
+7(7252) 53-93-17, 53-92-79. janubiy@inbox.ru
+ 7(747) 701-50-55
+ 7(747) 701-50-55
''Барчамиз учун умумий дунё'' мавзусида мазмунли тадбир ўтказилди

Туркистон шаҳридаги «Дўстлик уйи»да «Бирлигимиз – хилма-хилликда» лойиҳаси доирасида «Барчамиз учун умумий дунё» мавзусида мазмунли тадбир ташкил этилди.

Учрашувдан кўзланган асосий мақсад жамиятда ижтимоий тотувлик ва миллатлараро аҳилликни мустаҳкамлаш, маданий хилма-хилликни тарғиб этиш, умумий қадриятлар атрофида фуқаролик бирлигини шакллантириш ҳамда эзгу ташаббусларни қўллаб-қувватлашдан иборат бўлди.

Тадбирда Туркистон вилояти жамоатчиликни ривожлантириш бошқармаси раҳбари Жанар Бектаева иштирок этиб, ўз сўзида мамлакат бирлиги ва жамиятдаги тотувликнинг аҳамиятига алоҳида тўхталди. Шунингдек, вилоятда миллатлараро ҳамжиҳатликни мустаҳкамлашга муносиб ҳисса қўшган фуқароларни Ташаккурномалар билан тақдирлади. «Бирликка ҳамоҳанг» республика этномаданий бирлашмалар фестивали ғолибларига махсус дипломларни топширди.

Йиғин давомида Хожа Аҳмад Яссавий номидаги Халқаро қозоқ-турк университети вице-ректори Едил Тўлегенов ҳамда Сайрам тумани немис этномаданий бирлашмаси раҳбари Александра Утвенко табрик сўзлари билан чиқиш қилиб, жамият тараққиётида ҳамжиҳатлик ва ўзаро ҳурматнинг муҳим ўрин тутишини таъкидладилар.

«Жамият ривожига қўшган ҳиссам» мавзусида ташкил этилган тажриба майдончасида Райимжан Қўшқоров, Асел Бимурзаева ва Шарафжон Файзиев хайрия ишлари, кўнгиллилик ҳаракати, ижтимоий лойиҳалар ҳамда жамоатчилик ташаббусларидаги иштироклари ҳақида сўзлаб, ўз тажрибалари билан ўртоқлашдилар.

Учрашувнинг бадиий қисмида эса «Бирликка ҳамоҳанг» республика фестивали ғолиблари ўз санъатларини намойиш этдилар. Улар куй-қўшиқ ва рақслар орқали дўстлик, маданиятлар уйғунлиги ҳамда умумий Ватанга бўлган муҳаббатни тараннум этдилар.

Дарҳақиқат, бир том остида жипслашган халқнинг энг катта бойлиги – унинг бирлиги ва аҳиллигидир. Миллати ва маданияти турлича бўлса-да, мақсади муштарак бўлган фуқароларнинг эзгу ишлари жамиятдаги ҳамжиҳатликни мустаҳкамлаб, ёруғ келажак сари йўл очади.

2026-11-16, 20:05 134
Сўнгги янгиликлар
Мавзуга оид янгиликлар


Газетанинг янги сони
Хамкорлар
Газета тарихи Давлат хариди Тахририят
Манзилимиз: 160000, Шимкент шаҳри, Тауке хан шоҳкўчаси, 6-уй, 3-қават.
Газета ҚР Маданият ва ахборот вазирлиги томонидан 2020 йил 21 апрелда рўйхатга олиниб, KZ34VPY00022503 гувоҳнома берилган.
Муассис--Туркистон вилояти хокимлиги.
Ношир--"Жанубий Қозоғистон"вилоят ижтимоий-сиёсий газетаси таҳририяти масъулияти чекланган биродарлиги.
©Нашримиздан кўчириб босилганида "Жанубий Қозоғистон газетасидан олинди", манбага юкланиши шарт. Ахборотдан парча олинганда ҳам ҳавола келтирилиши шарт. Ёзма рухсат берилмаса,материалларни тижоравий мақсадларда қўлланиш ман этилади. Барча ҳуқуқлар ҳимояланган.
©Мулк эгаси-"Жанубий Қозоғистон"газетаси.