Қозоғистон халқи Ассамблеясининг “Бирлик, тотувлик ҳамда ҳамжиҳатликнинг 30 йили” мавзуидаги XXIX сессияси Элбоши Нурсултан Назарбаев раислигида ўтди

Сессияда 550дан зиёд делегат онлайн тарзда иштирок этди. Улар орасида барча вилоятлардан Ассамблея аъзолари, миллий ва минтақавий этномаданият бирлашмаларнинг раислари, парламент депутатлари, марказий ижроия органлари, сиёсий партиялар, диний бирлашмалар раҳбарлари, нодавлат нотижорат ташкилотлари вакиллари, илмий ва ижодий зиёлилар ҳамда оммавий ахборот воситалари вакиллари бор.
Тадбирда Қозоғистон Президенти Қасим-Жўмарт Тўқаев иштирок этди.
Нурсултан Назарбаев Қозоғистон Халқи Aссамблеяси раҳбари лавозимини амалдаги Давлат раҳбари Қасим-Жўмарт Тўқаевга топширди.
– «Элбоши тўғрисида» Конституциявий қонунга, «Ассамблея тўғрисида» қонунга мувофиқ, мен умр бўйи Қозоғистон халқи Ассамблеяси раиси лавозимини эгаллаш ҳуқуқига эгаман. Умуман олганда, мен доимо сизлар билан бирга бўламан. Бироқ, Ассамблеяни бошқариш билан боғлиқ қатор ваколатлар мамлакат Президентига юклатилган. Қозоғистон халқи Ассамблеяси амалдаги Президентнинг ёрдамчиси сифатида туриши керак, бошқа томондан, Давлат раҳбари ҳам Ассамблеяга таянади. Шунинг учун мен Ассамблеяга раислик қилиш ҳуқуқини Президент Қасим-Жўмарт Тўқаевга топширишга қарор қилдим, – деди Нурсултан Назарбаев.