Қозоғистон Республикаси Президенти Қасим-Жўмарт Тўқаев миллий журналистика ривожига салмоқли ҳисса қўшган бир гуруҳ фуқароларни давлат мукофотлари билан тақдирлади.

Давлат раҳбарининг фармонига мувофиқ, ОАВ соҳасида қуйидаги мукофотлар топширилди:

Қозоғистон Республикаси Президентининг ОАВ соҳасидаги мукофотлари:

Батирхан Талғат Садиқули – «Егемен Қазақстан» газетаси бош муҳаррири ўринбосари;

Қириқбаев Талғат Ешенули – «АЙҚЫН-ЛИТЕР» МЧБ директори;

Магер Юлия Дмитриевна – «Казахстанская правда» газетаси бўлим муҳаррири;

Тўқтамурат Армангүл – «Qazaqstan» телеканали муҳаррири.

Қозоғистон Республикаси Президентининг ОАВ соҳасидаги грантлари:

Бекқалиева Зарина Ўмирғалиқизи – «Kokshe» телеканали муҳаррири;

Қурмет-Раҳимова Кунсая – «Jibek Joly / Silk Way» телеканали мухбири;

Тленшиев Абай Сейфулла­ули – «Abay Live» YouTube канали муаллифи ва бошловчиси;

Шашкина Алина Александровна – «Tengrinewskz» сайти мухбири.

Тантанали тадбир иштирокчиларини касб байрами – Оммавий ахборот воситалари ходимлари куни билан табриклар экан, Президент Қасим-Жўмарт Тўқаев журналистика жамият ва давлат ўртасидаги мустаҳкам кўприк эканлигини таъкидлади. Давлат раҳбари миллий журналистиканинг янгиликка интилиши, ижодкорлик ва тинчликпарварлик фикрлари билан ажралиб турадиган олижаноб анъаналарини алоҳида эътироф этди. Президент журналистика соҳасининг фидокор ва эл-юртга хизмат қилиб келаётган устозларига миннатдорчилик билдирди.