Вилоят ижтимоий тараққиёт бошқармасининг “Ёшлар имконият маркази” томонидан энг яхши инновациявий лойиҳалар танлови ўтди.

Унга 90га яқин иштирокчининг лойиҳаси қабул қилиниб, ғолиблар аниқланди.

Танловдан кўзланган мақсад – мамлакатимиз иқтисодиётининг барқарор тараққиётини таъминлайдиган энг яхши лойиҳа ва технологияларни аниқлаш, ёшларни илмий-инновациявий фаолиятга кенгроқ жалб этиш орқали уларнинг ижодий қобилиятини оширишдан иборат эди. 

– Танлов янги технологиялар соҳасида ижтимоий аҳамиятга молик лойиҳаларни аниқлаш, иқтисодиётни ривожлантиришга йўналтирилган илғор ва инновациявий лойиҳаларни қўллаб-қувватлаш мақсадида ташкил этилди. Кўрик-танловнинг асосий мақсади – лойиҳа ихтирочиларига бизнес-режа тузишни ўргатиш, шунингдек, олимлар, муҳандис-техник ходимлар, ихтирочилар ва ёшларнинг инновациявий илмий-тадқиқот фаолиятини рағбатлантириш эди, – дейди лойиҳа ташкилотчилари.

Танловда Рахим Қурманбаев “Сайёр шиномонтаж” лойиҳаси билан бош совринни қўлга киритса, Сейсембек Мейирлан 1-ўринни, Ердаулет Тўйбеков 2-ўринни, Фарид Ҳалимов 3-ўринни эгаллашди. Шунингдек, барча иштирокчиларга рағбатлантирувчи мукофотлар топширилди.