Туркистон вилояти ҳокимининг ўринбосари Бейсен Тажибаев бир гуруҳ фуқароларни шахсий масалалар бўйича қабул қилди. Ҳоким муовини кўтарилган масалаларни жадал ҳал қилишга ҳаракат қилди. 

Жумладан, Тулкибош тумани, Т. Рисқулов қишлоғидан келган фуқаро туман марказий касалхонаси бош шифокорининг ҳаракатларидан шикоят қилди. Фаррошлик қилаётган фуқаронинг аризаси ҳозирги кунда текширилмоқда. Чунки у ушбу масала билан аввал ҳам мурожаат қилган эди.

Алмати шаҳридан келган ариза соҳиби шифокор сифатида хизмат кўрсатган отасининг номини Саврон туманидаги кўчалардан бирига  беришни сўраса, Туркистон шаҳри фуқароси мусиқа мактабини очиш (шахсий биноси бор)га ёрдам сўради. Қазиғуртлик фуқаро тумандаги мактабларда қоровул хизматига эълон қилинган танловга доир шикоят қилди. Тўлебий тумани фуқароси УВУда иштирок этиб,  ҳалок бўлган фахрийларни Қозоғистоннинг  тарихий  шахслари рўйхатига киритиш масаласини илгари сурди. 

Шахсий қабулда мутасадди бошқарма вакиллари иштирок этди. Вилоят ҳокими ўринбосари соҳа вакилларига баъзи масалаларни қонун доирасида кўриб, ижобий ҳал қилишни топширди.