Хорижий   сармоядорлар билан ҳамкорликда   замонавий ишлаб   чиқариш кластери   яратилади

Яқин келажакда Туркистон шаҳрида нафақат миллий либосларимиз, балки юксак сифатли матолар ҳам маҳаллий тўқимачилик фабрикаларида ишлаб чиқарилади. Янги ишлаб чиқариш иншоотлари нафақат иш ўринларини юксалтиради, балки минтақанинг иқтисодий салоҳиятини ҳам кескин оширади. Бу эса Туркистонни трансчегаравий саноат марказига айлантириш йўлидаги навбатдаги муҳим қадамдир.

Яқинда Туркистон вилояти ҳокими Нуралхан Кўшеров халқаро тўқимачилик соҳасида нуфузли ҳисобланган хорижий компания раҳбари билан учрашиб, пахта ва газлама саноатидаги сармоявий ҳамкорлик истиқболларини муҳокама қилди.

– Пахта-тўқимачилик саноати – бу нафақат иқтисодий манфаат, балки минг йиллик анъаналаримизнинг ҳам давоми. Биз ҳозирда тўлиқ ишлаб чиқариш жараёнларини қамраб олган кластерлар ташкил этишга киришдик. Хорижий ҳамкорлар учун қулай шароит яратиш, ҳужжатлаштириш ва ер масаласини ҳал этиш – вилоят ҳокимлигининг устувор вазифаларидан биридир, – деди Нуралхан Ўралбайули.

Лойиҳа доирасида Туркистон шаҳридаги “TURAN” эркин иқтисодий минтақасидаги 20 гектар ер майдонида йирик саноат мажмуасини барпо этиш режалаштирилган.

Компания раҳбарининг сўзларига кўра, Қозоғистондаги барча минтақалар орасида Туркистоннинг танланиши бежиз эмас – бу ерда бой хомашё захиралари ва давлат томонидан яратилаётган қулай сармоявий мавжуд.

Ҳамкор томон қурилиш ишларини 2024 йилда бошлаш ва 2025 йилда биринчи босқични тўлиқ якунлаш ниятида. Лойиҳа тўлиқ амалга оширилгач, 100 фоиз маҳаллий пахта хомашёси қайта ишланиб, маҳсулотлар ЕОИИ доирасида Россия, Марказий Осиё ҳамда Европа бозорларига экспорт қилиниши режалаштирилмоқда.

Бу лойиҳа нафақат иқтисодий салоҳиятни юксалтириши, балки ёшлар учун минглаб замонавий иш ўринларини яратиши, маҳаллий ишлаб чиқариш тажрибасини шакллантириши билан ҳам муҳим аҳамиятга эга.