Вилоят ҳокими Дархан Сатибалди Ўтрор туманига хизмат сафари билан борди. Сафар сўнггида очиқ шаклда шахсий қабул ўтказиб, туман аҳолисининг мурожаатларини тинглади.

Қабулга келган фуқароларнинг аксарияти ижтимоий муаммоларни кўтаришди. Бири хорижий давлатда даволаниш учун квота берилишини сўраса, бошқа фуқаро иш топиб беришни илтимос қилди. Ўтрор тумани, Арис қишлоғидаги мактабнинг спорт зали ва яна бир таълим муассасасини тубдан таъмирлаш масалалари кўтарилди. Шунингдек, бир фуқаро болалар боғчаси раҳбари тазйиқ ўтказаётганини айтди. Мактаб директорларининг маошини камайтириб юборилгани ҳақида ҳам фикр билдирди. Тадбиркорлик иншоотига доир даъво борасида ҳам сўз юритилди. “Очиқ эшиклар кунида” ҳуқуқ-тартибот хизмати ва вилоят бошқарма раҳбарлари ҳамда вакиллари иштирок этиб, муаммоларнинг ижобий ҳал этилишига имкон яратилди. Вакиллар очиқ фикр алмашиш учун тўлиқ шароит яратилгани учун минтақа раҳбариятига миннатдорчилик билдиришди. Кўтарилган масалаларни диққат билан тинглаган вилоят раҳбари тегишли соҳа мутахассисларига уларни қонун доирасида ҳал этишни топширди.