Туркистон шаҳрида саккизинчи чақириқ вилоят маслаҳатининг навбатдаги тўққизинчи сессияси ўтди.

Сессия ишида вилоят ҳокими Д. Сатибалди, ҳокимлик аъзолари, шаҳар, туман маслаҳатлари раислари, вилоят сайлов комиссияси ҳамда жамоат ташкилотлари раҳбарлари, ОАВ вакиллари иштирок этди.

Сессия ишига вилоят маслаҳати раиси Н. Абишов раислик қилди. Унда жами 18та масала кўрилди. Давлат хариди, дин ишлари бошқармалари, маслаҳат ҳамда доимий комиссиялар раисларининг ҳисоботлари тингланди. Муҳокама қилинган барча масалалар бўйича тегишли қарорлар қабул қилинди. Сессияда вилоят сайлов комиссияси раиси А. Ўсербаев бўш ўринларга янги сайланган депутатларни таништирди.

Сессияда вилоят раҳбари Д. Сатибалди сув тошқинидан зарар кўрган шимолий минтақаларга вилоятимиздан ёрдам ташкил этиш масалаларига тўхталиб, бу борада барча ташкилий ишларни мувофиқлаштиришни ўринбосари Б. Тажибаевга топширди. Вилоят ҳокими маслаҳат депутатлари фаолиятига омад тилади.