Давлат раҳбари Қасим-Жўмарт Тўқаев томонидан мамлакатимизда давлат органлари билан аҳоли ўртасида очиқ мулоқотни йўлга қўйиш, долзарб муаммоларни аниқлаш, давлат органлари ва ташкилотлар томонидан мурожаатларнинг кўриб чиқилишини таъминлаш юзасидан топшириқлар берган эди. Уларнинг ижроси вазирликлар томонидан босқичма-босқич таъминланмоқда.

Куни кеча Президент Бош вазир Ўлжас Бектеновнинг сув тошқинлари оқибатларини бартараф этиш ва табиий офатдан жабр кўрган фуқароларга, биринчи навбатда, кўчириш нуқталарида бўлган фуқароларга ёрдам кўрсатиш юзасидан олиб борилаётган ишлар тўғрисидаги ҳисоботини тинглади, дея хабар беради Ақўрданинг матбуот хизмати.

“Давлат раҳбари бу борадаги ишларни фаоллаштириш, жабрланганларни сифатли уй-жой билан таъминлаш, шаҳар ва туманларда инфратузилмаларни таъмирлаш ва қуриш тадбирларини бошлаш юзасидан топшириқлар берди”, дейилади хабарда.

Президент таъкидлаганидек, маҳаллий ижро ҳокимлик органлари раҳбарлари фуқаролар билан фаол ва самарали ишлаш, юзага келаётган муаммолар ва ўринли талабларни ҳал этишга оид давлат сиёсати ва кўрилаётган чора-тадбирларни аниқ тушунтириши шарт.

– Шу билан бирга, ҳукумат, ҳокимликлар ҳуқуқ-тартибот идоралари билан биргаликда қонунга қатъий риоя қилган ҳолда жамоат тартибини таъминлаши керак, – деди Қозоғистон раҳбари.