Теран тарихга эга Туркистон шаҳрига келаётган саёҳатчилар сони йилдан-йилга ортиб бормоқда. Шаҳарнинг маданий-маънавий марказида ҳунармандлар шаҳарчаси барпо этилмоқда. Асосий мақсад – сайёҳларни жалб этиш ҳамда минтақада тадбиркорликни ривожлантириш. Вилоят ҳокими Дархан Сатибалди бунёдкорлик ишларини назорат қилиш мақсадида қурилиш иншоотига борди.

Қадимий шаҳарнинг ҳунармандчилик салоҳияти юксак эканлигини таъкидлаган минтақа раҳбари пудратчиларга ишни тезлатиш, сифатли ҳамда муддатида бажаришни топширди.

Жорий йилда Туркистон – туркий оламнинг сайёҳлик пойтахти мақомига эга бўлди. Йил давомида вилоят марказида туркий давлатлар иштирокида ўтадиган кенг кўламли лойиҳалар амалга оширилмоқда.

Беқиёс сайёҳлик мажмуасининг умумий майдони – 2,56 га. Ҳунармандлар шаҳарчаси 25та меъморий иншоотдан иборат бўлади. Ҳозир пойдеворларни мустаҳкамлаш ҳамда бетонлаш ишлари олиб борилмоқда. Қурилиш майдонида 50 ишчи, 5та махсус техника меҳнат қилмоқда.

Келгусида минтақада ҳунармандчиликни қўллаб-қувватлаш, янги иш ўринларини очиш, сайёҳлик соҳасини ривожлантириш кўзда тутилган.