Ўйин бизнеси ва уюшган жиноятчиликка оид янги қонун бўйича мажлис ўтди.

Давлат раҳбари июль ойида “Қозоғистон Республикасининг баъзи қонунлари – ўйин бизнеси, лотерея хизмати, соғликни сақлаш, давлат меҳнат инспекцияси, давлат назорати ва қонун ҳужжатларини ортиқча  созлашнинг олдини олиш масалалари юзасидан  ўзгаришлар ва қўшимчалар киритиш тўғрисида” Қозоғистон Республикаси Қонунини  имзолаган  эди.

Шу муносабат билан вилоят ҳокими девони раҳбари Еркеғали Алимқулов раислигида мажлис ўтди. Кун тартибида жамиятда асосий масалага айланган қимор ўйинлари тўғрисидаги Қонун ва ички тартиб масалалари муҳокама қилинди.

Мазкур қонуннинг 17-моддасига мувофиқ, “Уюшган жиноятчиликка қарши иш-ҳаракат тўғрисида” Қозоғистон Республикасининг Қонунига тегишли қўшимчалар киритилди. Натижада мутасадди давлат идораларидаги лавозим соҳиблари, уларга тенглаштирилган мансабдорлар, шунингдек, кўрсатилган вазифаларни ижро этишга ваколат берилган номзодларнинг ўз ваколатлардан шахсан, гуруҳ бўлиб ва бошқа,  хизматдан ташқари  манфаатлар йўлида фойдаланишга олиб келиши эҳтимоли мавжуд ҳаракатларга йўл қўймаслик мақсадида ҚРнинг  “Ўйин бизнеси тўғрисидаги Қонуни”да кўзланган тоифага кирадиган ўйин муассасаларида қимор ўйинларида ва (ёки) пул тикишда қатнашиш, шунингдек, ушбу мақсадлар учун ажратилмаган жойларда қимор ўйинлари ва (ёки) телекоммуникация воситаларидан фойдаланган ҳолда ўтказиладиган қимор ўйинларида иштирок этиш каби уюшган жиноятчиликка қарши чекловлар кўзланган.

Мазкур Қонунда белгиланган уюшган жиноятчиликка қарши чекловлар 9 сентябрда кучга киргунга қадар туман, шаҳар ҳокимликлари, вилоят бошқармаларининг раҳбарлари ва  давлат хизматчилари ўртасида тушунтириш ишлари юритилиши зарур.