Вилоятда “Қишлоқда соғликни сақлаш соҳасини янгилаш” миллий лойиҳаси доирасида 49та бирламчи тиббий ёрдам кўрсатиш муассаларининг қурилиши олиб борилмоқда. Ушбу йўналишдаги ишларни пухталаш мақсадида вилоят ҳокими ўринбосари Бейсенбай Тажибаев раислигида мажлис ўтди. Унда олиб борилаётган қурилиш ишлари муҳокама қилинди.

– Вилоят аҳолисининг саломатлигини яхшилаш учун уларга сифатли тиббий хизматлар кўрсатишимиз лозим. Бу борада замонавий тиббий муассасалар муҳим ўрин эгаллайди. Вилоят раҳбари Дархан Амангелдиулининг бевосита ташаббуси билан қатор соғликни сақлаш муассасаларининг қурилиши юритилмоқда. 20та амбулатория, 23та фельдшер-акушерлик ва 6та тиббиёт пункти, шулар жумласидандир. Лоқайдлик қилган пудратчиларга чора кўрилади, – дея ҳоким ўринбосари ишларни сифатли ва муддатида бажаришни юклаб, қатор вазифаларни белгилади.

Мажлисда мутасадди бошқармалар раҳбарлари ва пудратчи ташкилотлар иштирок этди. Лойиҳалар буюртмачиси – вилоят қурилиш бошқармаси раҳбари Тўқтар Усипалиев сўзга чиқиб, иштирокчиларни муддатидан кечиктириб топширган пудратчи муассасаларга қонун талабларига мос жарима солинишини таъкидлади.

Мажлисда кўтарилган масалаларнинг режа асосида ҳал этилишини таъминлаш учун 10 кун муддат берилди. Улар огоҳлантиришлардан тўғри хулоса чиқариб, келгуси йиғилишгача адо этилган ишлар сифати ва ҳажмини баён этиши лозим.