Вилоят ҳокимининг ўринбосари Нурбўл Турашбеков Сариоғоч туманига хизмат сафари доирасида бир гуруҳ иссиқхона соҳиблари билан учрашди. 

Улар қаттиқ ёқилғи нархини барқарорлаштириш, сабзавот ва мева импортини тартибга келтириш юзасидан илтимосларини баён этиб, қиш мавсумида электр энергияси билан узлуксиз таъминлашни илтимос қилишди. Бугунги кунда  туманда кўмир тақчиллиги йўқ.

Н. Турашбеков кўтарилган масалалар юзасидан қонун доирасида зарур чоралар кўрилишини таъкидлаб, вилоят қишлоқ хўжалиги бошқармаси раҳбари ва туман ҳокимлигининг мутасаддиларига аниқ топшириқлар берди.

Вилоятимиздаги иссиқхоналарнинг умумий майдони 1640 гектарни ташкил этади. Бу республика кўрсаткичининг 71 фоизи. Жорий йилнинг 9 ойида вилоят иссиқхоналарида 150 минг тонна сабзавот етиштирилди, бу республика аҳолиси эҳтиёжини маҳаллий маҳсулотлар билан 42 фоизга қондириш имконини беради. Саноат иссиқхоналарини ривожлантириш доирасида бугунги кунда 602 гектар майдонда 3та лойиҳа амалга оширилмоқда. Натижада  6150та янги иш ўрни яратилиб, иссиқхоналарда қўшимча 180 минг тонна маҳсулот етиштирилмоқда. Бу, ўз навбатида, республика аҳолисини иссиқхона маҳсулотлари билан 100 фоиз таъминлаш имконини беради.