Қозоғистонда шакар ижтимоий аҳамиятга эга озиқ-овқат маҳсулотлари рўйхатига киритилган. Унинг нархи тартибга солинади, бироқ ҳали ҳам минтақалараро бир оз фарқ қилади. Батафсил қуйидаги шарҳимизда. 

Энг арзон шакар Ақтўбе ва Ақтов шаҳарларида – бир килограмми 380-400 тенге. Аксарият ҳудудларда нархлар 400дан 420 тенгегача. Жумладан, Қўстанай ва Қизилўрдада 400 тенгедан, Петропавл ва Павлодарда 410 тенге, Шимкент, Қарағанди, Жезқазған, Алмати, Астана, Ўралда 420 тенге. Тараз ва Талдиқўрғанда 430 тенге, Атиров, Семей, Қўнаев, Туркистон ва Ўскеменда шакарнинг килограмми 450-460 тенгедан сотилмоқда. Кўкшетовда эса 500 тенге. 

Миллий статистика бюроси маълумотларининг, 13 август ҳолатига кўра, Қозоғистонда бир килограмм шакарнинг ўртача баҳоси 414 тенгени ташкил қилади. 

Сайт маълумотларига кўра, дунёда 1 кг. шакарнинг ўртача нархи 1,52 долларни (725 тенге) ташкил этади. Энг паст нарх Покистонда 0,61 доллар (291 тенге),энг юқори нарх эса Гонконгда – 3,19 доллар (1520 тенге).