Йиғилишда Қуролли Кучларни ривожлантириш бўйича олиб борилаётган кенг кўламли ишлар сарҳисоб қилиниб, вазирлик ва идоралар ҳамда маҳаллий ҳокимият органларининг миллий армиямизни ривожлантириш ва ислоҳ қилиш борасидаги фаолиятига танқидий баҳо берилди. 

Президент ўтган давр мобайнида Қозоғистон Республикасини янада тараққий эттириш бўйича Ҳаракатлар стратегияси асосида мамлакат ҳаётининг бошқа соҳалари билан бир қаторда ҳарбий қурилиш йўналишида кенг миқёсли замонавийлаштириш тадбирлари амалга оширилгани, бу билан қисқа даврда аниқ натижалар ҳамда Қуролли Кучларимиз қиёфаси бўйича стратегик ёндашувни шакллантиришга эришилганини таъкидлади.

Мамлакат мудофаа қобилиятини мустаҳкамлаш бўйича чора-тадбирларнинг амалга оширилиши юзасидан Бош вазир ўринбосари – миллий иқтисодиёт вазири Нурлан Байбазаров, Мудофаа вазири Руслан Жақсилиқов, Саноат ва қурилиш вазири Қанат Шарлапаевнинг ҳисоботлари тингланди.

Хавфсизлик кенгаши давлатнинг ҳарбий салоҳиятини ошириш ва армияни замонавий қурол-яроғ ва ҳарбий техника, шу жумладан ички мудофаа корхоналари томонидан ишлаб чиқарилган қуроллар билан таъминлаш бўйича таклифлар юзасидан қарорлар қабул қилди.

Бундан ташқари, Қуролли Кучларни ислоҳ қилиш ва ривожлантиришнинг бошқа муҳим йўналишлари кўриб чиқилди.

Йиғилиш якунида ​​Хавфсизлик кенгаши раиси – ҚР Президенти, Қуролли Кучлар Олий Бош Қўмондони Қасим-Жўмарт Тўқаев томонидан мамлакатимиз мудофаа қобилиятини мустаҳкамлаш соҳасида келгуси ишларни ташкиллаштириш бўйича вазифалар белгиланди.