Республика халқ штаби аъзолари махсус ташриф билан Шимкент шаҳрига ташриф буюришди. ҚР Парламенти Мажлиси депутати, “АМАНАТ” партияси фракцияси аъзоси Бўлатбек Алиев бошчилигидаги ишчи гуруҳ дастлаб «Бал Текстиль» тўқимачилик корхонасига борди.

Учрашувда таниқли шифокор ва тадбиркор, Шимкент шаҳар ўзбек этномаданият бирлашмаси раиси Тоҳирбек Нишонбоев ҳам иштирок этди.

“Бал Текстиль”да Бўлатбек Нажметдинули мамлакатимиз учун тарихий ва муҳим жараён яқинлашиб келаётганини таъкидлаб, корхона ходимларини умуммиллий референдумда фаол иштирок этишга чақирди.

 – АЭС қурилиши мамлакатнинг энергетик мустақиллигини таъминлаш ва иқтисодий тараққиётга ижобий таъсир кўрсатиши аниқ. Шунингдек, яшил иқтисодиётга ўтиш шароитида мамлакатнинг иқтисодий ва ижтимоий тараққиётида омил бўлиб ҳисобланади. АЭС Қозоғистонга ҳозирги энергетика соҳаси муаммоларини ҳал қилиш ва келажакда уни барқарорлаштиришга ёрдам беради. Шунинг учун мамлакат келажаги учун ҳар бир фуқаро ушбу референдумда фаол иштирок этиб, ўз фикрини билдириши керак, деб ўйлайман, – деди Бўлатбек Нажметдинули.

Таъкидлаш жоизки, “Бал Текстиль” МЧБ 2013 йилда ташкил этилган. Гилам, гилам маҳсулотлари ҳамда синтетик калавалар ишлаб чиқариш билан шуғулланади. Ҳозирги кунда корхонада 220дан ортиқ ишчи меҳнат қилмоқда.