Саврон тумани, Ўранғай қишлоғининг бийлар кенгаши раиси бўлган (марҳум) Абдумуталлиб Носиров тўғрисида “Жанубий Қозоғистон” вилоят газетасида мақолалар мунтазам чоп этилган. Мен серғайрат инсоннинг қобил фарзанди Бобур тўғрисида қалам тебратмоқчиман.

Тадбиркор Бобур Абдумуталлиб ўғли 1979 йили 24 майда Ўранғай қишлоғида дунёга келган. Мухтар Ауезов номли мактабни, сўнг Халқлар дўстлиги университетининг спорт ва туризм куллиётини тамомлаган. Меҳнат фаолиятини 2007 йили қурувчиликдан бошлаб, соҳанинг сирларини ўрганди.

2023 йилдан тадбиркорлик фаолиятини бошлади. 10 одамни доимий иш билан таъминлаган. Эшик-ром, дарвоза, стол-стулларга буюртмалар кўп. Мен ҳам ҳовлимизга айвонча буюртма берган эдим. Икки кун ичида тайёрлаб ўрнатиб кетишди. Жамоадаги Абдулазиз Носиров, Шаҳзод Каримбеков, Рўзибой Абдулҳамидов, Алишер Мирзашев, Аброр Абдумуталлибовлар қўли гул ишчилар экан. Мен Бобур Абдумуталлиб ўғли ва жамоасига миннатдорчилик билдираман. Мустаҳкам саломатлик, оилаларига бахту саодат тилайман.

Бобур 2001 йилда Умида Аҳмад қизи билан турмуш қуриб, 4 ўғил, бир қиз тарбиялашмоқда.

“Меҳнатнинг таги роҳат”, деб бежиз айтишмаган. Бобурнинг хонадонига вилоят ҳокими Дархан Сатибалди, ҚР Бош вазири ўринбосари Тамара Дуйсенова, депутатлар билан ташриф буюриб, фаолияти билан танишишди. Марҳум Абдумуталлиб ҳожининг умр йўлдоши Фотима ая Тамара Дуйсенованинг бошига холис ният ила оқ рўмол ўраб, дуои фотиҳа қилди. 

Ота дуосини олган қобил фарзанд Бобурга омад ёр бўлсин, деймиз.