Вилоят ҳокимининг ўринбосари Бейсен Тажибаев Чордара туманига хизмат сафари билан ташриф буюрди.

Сафар давомида туман ҳокими Арман Қарсибаев ва мутасадди вакиллар билан бирга пахта қабул қилиш пунктлари ва заводларини оралаб, деҳқонлар билан учрашди. Унда соҳани ривожлантириш юзасидан таклиф ва тавсиялар билдирилди.

Учрашувда деҳқонлар ер, сув, йиғим-терим, маҳсулот нархига оид масалаларни кўтаришди. Ҳозирги кунда пахта пунктлари олдиндан маблағ тарқатаётгани, бироқ аниқ баҳо белгиланмагани таъкидланди.

Жорий йилда Ўзбекистон Республикаси Қишлоқ хўжалиги вазирлиги қошидаги «Уруғчиликни ривожлантириш маркази» билан музокаралар юритилиб, сифатли (1,9 тонна) чигитни импорт қилишга келишилиб, 891 тоннаси харид қилинди.

«Минерал ўғитларни субсидиялаш» дастури доирасида жорий йилдан бошлаб, аввалдан тўлов шакли татбиқ этилиб, мамлакатимизда ишлаб чиқарилган ўғитлар 60 фоиз субсидияланди. Вилоят бюджетидан 7 млрд. тенге ажратилиб, унинг 69 фоизи пахтакор хўжаликларга тўланди, 62 минг тонна минерал ўғит харид қилинди.

Вилоят ишлаб чиқарувчилари «Кенг дала» ва «Кенг дала-2» насия дастурлари доирасида 18,8 млрд. тенгега молиялаштирилди.