Вилоят ҳокимининг биринчи ўринбосари З. Жўлдасов Сариоғоч туманига хизмат сафари билан борди. Туман ҳокими А. Абдуллаев билан бирга “Жібек жолы” божхона бекатида мутасадди раҳбарлар ҳамда Ўзбекистон Республикасининг вакиллари билан учрашди.

Учрашув чоғида икки давлатнинг ваколатли органлари чегарадан қатнайдиган автобусларнинг навбат кутмасдан ўтиши, йўловчиларга қулай шароитлар яратиш, ўтказиш бекатларини тартибга келтириш масалаларини муҳокама қилишди. Шунингдек, Қозоғистон ва Ўзбекистоннинг ўтказиш бекатлари барқарор халқаро йўналишлар қатнови учун алоҳида автобус йўлини барпо этиш, ҳужжат назоратини автоматлаштириш ҳақида таклифлар айтилиб, топшириқлар берилди.

Бугунги кунда транспортдаги йўловчилар умумий зал орқали ўтмоқдалар. Уларни, “Яшил даҳлиз” орқали ўтказиш йўллари кўриб чиқилмоқда. Шу муносабат билан икки мамлакат чегарасидан ўтадиган йўловчилар оқими ортиши сабабли чегара хизмати зобитларининг сони ортади. Яна йўловчи ташувчиларнинг ягона электрон маълумотлар базаси яратилади.

Юк машиналарини ўтказадиган бекат кечаю кундуз тўхтовсиз фаолият юритади.

Дарвоқе, Сариоғоч туманидаги “Жібек жолы” божхона бекати – Қозоғистон ва Ўзбекистон мамлакатлари ўртасидагина эмас, балки бутун Ўрта Осиёдаги энг йирик бекатлардан бири.