Қадим ва навқирон шаҳар – Туркистонда асрларга татигулик ишлар, улкан бунёдкорлик юмушлари адо этилмоқда. Ўнлаб қурилиш ташкилотлари, юзлаб бунёдкорлик ташкилотлари, йўлсозлар, энг замонавий, қудратли техника ана шу мўъжизавий бинокорлик тадбирлари билан банд.

Бу ишлар – Давлатимиз раҳбарининг Мактубида белгиланган вазифалар ва халқимиз ижобий ўзгаришларни узоқ келажакда эмас, айнан бугун кўриши шарт, деган сўзларининг амалий ифодасидир.

Бу эзгу ният йўлида амалга оширилаётган салмоқли ишлар кўлами кундан-кунга ортиб, янги маъно ва мазмун билан бойиб бормоқда.

Айни пайтда “Тоза Қозоғистон” экологик акцияси доирсида уй-жойлар, ҳудудларни тартибга келтириш, шаҳар ва қишлоқларни бугунги шиддатли ислоҳотларнинг қатъий талаблари асосида изчил ривожлантириб бориш, бу борада мавжуд ички имкониятлар, инсоний салоҳиятни тўла ишга солиш, аҳолини эзгу мақсадлар йўлида бирлаштириб, сафарбар этиш муҳим аҳамиятга эга. 

Шаҳарда йўллар атрофи, боғу хиёбонларга мевали ҳамда манзарали дарахтлар, гул кўчатлари ўтқазиш ва кўкаламзорлаштириш, янги симёғочлар, трансформаторлар, ёритиш тизими ўрнатиш, электр тармоқлари тортиш, аҳолининг тоза ичимли сув таъминотини яхшилаш, тозалик тадбирларини ташкил этиш орқали хонадонлар ҳамда ҳудудларнинг санитария ва экологик ҳолатини яхшилаш кўзда тутилмоқда.

Вилоят меъморчилик лойиҳалари кенгашининг навбатдаги йиғилишида Туркистон шаҳри ва вилоятидаги биноларнинг ташқи қиёфаси ва меъморчилиги муҳокама қилинди. Вилоят ҳокими Дархан Сатибалди лойиҳаларнинг чизмалари билан танишиб, мутасадди шахсларга ишларни ниҳоясига етказиш юзасидан топшириқлар берди.

Йиғилишда вилоят меъморчилик ва шаҳарсозлик бошқармаси бошлиғи Нурлижан Букебаев ва Туркистон шаҳри ҳокими Азимбек Пазилбекули янги лойиҳалар ҳақида маълумот беришди. 

Дарҳақиқат, бу жабҳада амалга оширилаётган ишларда юртимизда иқтисодиётнинг янги, нурли уфқларини очишдек олий мақсадлар мужассам.