Арис шаҳрида саноат корхоналари сони кўпайиб, сармоя ҳажми ортмоқда. Қишлоқ хўжалиги, логистика соҳаларида муҳим лойиҳаларни амалга ошириш режаланмоқда. 

Ушбу ишларнинг барчаси Арис шаҳрининг 2030 йилгача иқтисодий тараққиёт стратегиясига киритилди. Мазкур ҳужжат вилоят ҳокимлигида ўтган махсус мажлисда таништирилди. 

Вилоят ҳокими Дархан Сатибалди Арис шаҳри транзит, логистика ва саноат салоҳиятидан тўлиқ фойдаланиши зарурлигини таъкидлади.

– Тараққиёт стратегиясидаги ҳар бир режа ва кўрсаткичлар бажарилиши шарт. Сармоя ҳажмини янада ошириш, иш ўрнини кўпайтирадиган лойиҳалар қўллаб-қувватланиши керак. Ариснинг имкониятлари мўл. Яхши ташаббуслар бисёр. Натижа кутиб қоламан, – деди Дархан Сатибалди.

Арис шаҳри ҳокими Гулжан Қурманбекованинг таъкидлашича, ўтган 9 ой натижаларига кўра, ялпи маҳсулот ҳажми 38,5 млрд. тенгени ташкил қилди. 

Таклиф этилаётган тараққиёт режасига мувофиқ, 2030 йилгача Арисда саноат маҳсулотлари ҳажми 12,6 млрд. тенгедан 35,8 млрд. тенгега етади. Қайта ишлаш саноати 20,4 млрд. тенгега етиб, икки баравар ошади.