Ўтрор туманида иккита пахтани қайта ишлаш заводининг тамал тоши қаланди. Маросимда вилоят ҳокими Нуралхан Кўшеров иштирок этиб, ташаббусга муваффақият тилади. Сармоядорлар билан учрашиб, пахта-тўқимачилик кластерини ривожлантириш лойиҳаси билан танишди. 

Вилоят раҳбари инфратузилмани таъминлашга ҳар томонлама кўмак кўрсатиш ва юзага келиши мумкин бўлган муаммоларни ҳал қилишга ваъда берди.

Мазкур лойиҳа “Туркистон пахта агросаноат мажмуаси” МЧБ ва “Туркистон” ижтимоий-тадбиркорлик корпорацияси ҲЖ ҳамкорлигида амалга оширилади. Ноёб лойиҳа сувни тежовчи замонавий технологиялардан фойдаланган ҳолда юқори талабларга жавоб берадиган хомашё базаси, замонавий пахтани қайта ишлаш, томчилатиб суғориш ускуналарини ишлаб чиқариш корхоналари ва бошқа инфратузилма иншоотларини барпо этишни назарда тутади. Бу ерда маъмурий бино, деҳқон хўжалиги базаси, насос станциялари қад ростлайди. Лойиҳанинг умумий сармоявий қиймати 80 млрд тенге.

Лойиҳа натижасида йилига 160 минг тонна пахтани қайта ишлаш қувватига эга 4та замонавий заводни ишга тушириш ва 6 минг тонна пахта чигити ишлаб чиқариш қувватига эга тизимни яратиш имконини беради.