ҚР Президенти Қасим-Жўмарт Тўқаев Молия бозорини созлаш ва ривожлантириш агентлиги раиси Мадина Абилқасимовани қабул қилди. Давлат раҳбарига молия бозорини ривожлантиришнинг ўтган йил якунлари тўғрисида ахборот берилди.

Шунингдек, Қ. Тўқаевга банк шўъбасидаги барқарорлик ҳақида маълумот берилди. 2024 йил бошидан буён банк активлари 19,7 фоизга ўсди, яъни 61,6 триллион тенгега етди. Иқтисодиётни кредитлаш 20,9 фоизга ёки 33,8 триллион тенгега етди. 

Мадина Абилқасимованинг гапларига қараганда, муаммоли активлар бозори масаласини ҳал қилишга қаратилган қонунчиликка ўзгартиришлар киритилган ва бунинг учун биринчи рақамли платформа ишга туширилди.

Рақобатни кучайтириш мақсадида банк шўъбасига Жанубий Корея, Қатар ва Бирлашган Араб Амирликларининг банклари жалб қилинди.

Давлат раҳбарига алоҳида тармоқлар ва тадбиркорлик субъектларини кредитлаш тўғрисида маълумот берилди. 2024 йилда бизнес кредитлари 16,3 фоизга ёки 13,1 триллион тенгега ошган. Шу билан бирга, тадбиркорлик субъектларига 18,2 триллион тенге миқдорида янги кредитлар ажратилди.

Қасим-Жўмарт Тўқаевнинг аҳолининг ортиқча қарз олишини қисқартириш юзасидан берган топшириғига мувофиқ, 2024 йил июнь ойида кредитлаш жараёнида таваккалларни камайтириш ва қарз олувчиларнинг ҳуқуқларини ҳимоя қилиш юзасидан қонун қабул қилинган эди. Бундан ташқари, 614 минг фуқаронинг 210 миллиард тенге миқдоридаги муаммоли қарзлари қайта кўриб чиқилиб, қисман ёки тўлиқ кечирилди.

Агентлик раисининг гапларига кўра, фуқароларни молиявий фирибгарликлардан ҳимоя қилиш мақсадида қонунчиликка янги ўзгартишлар киритилмоқда.

Шунингдек, Давлат раҳбарига суғурта бозорини рақамлаштириш натижалари тақдим этилди. Фуқаролар уй-жойларини табиий офат хавфидан мажбурий суғурта қилиш тамойили ишлаб чиқилди. 

Учрашув якунида Қ. Тўқаев Агентликка молиявий барқарорликни таъминлаш, кредитлаш кўламини янада кенгайтириш, молиявий хизматлар соҳасида истеъмолчилар ҳуқуқларини ҳимоя қилиш дастакларини кучайтириш юзасидан қатор вазифаларни юклади.