Тегишли қонун лойиҳаси Сенат томонидан маъқулланди. Эндиликда лойиҳа кодекси, шаҳарсозлик меъёрларини тасдиқлаш, ҳудудий рамзлардан фойдаланиш тартиби ўзгаради.

Туркистоннинг рамзига айланган Хожа Аҳмад Яссавий мақбараси яқин атрофида баланд бинолар қуриш тақиқланади. Шунингдек, шаҳарнинг тарихий-маданий мерос иншоотларини муҳофаза қилиш ва улардан фойдаланиш илмий мутахассислар томонидан амалга оширилади.

Янги ҳужжатга кўра, Ер кодекси ва тўртта қонунга ўзгартишлар киритилади. Улар шаҳарда сайёҳлик индустриясини ривожлантиришга қаратилган.

ҚР Миллий иқтисодиёт вазири ўринбосари Арман Қасенов 2025 йилда шаҳарда қандай янги иншоотлар қурилиши режалаштирилганлигини маълум қилди.

– 2025 йилда қуйидаги лойиҳалар жорий этилади:

* “Парасат” ва “Астана” истироҳат боғларини барпо этиш. Ушбу мақсадлар учун 10 миллиард тенге ажратилади;

* “Туркистон” махсус иқтисодий минтақасида муҳандислик инфратузилмасини барпо этиш. Ушбу мақсадлар учун 7 миллиард тенге ажратиш режаланган;

* Ихтисослаштирилган олимпия захиралари ўсмирлар спорт мактаби учун спорт мажмуаси қуришга 3 миллиард тенге;

* спорт мажмуалари ва эшкак эшиш канали қуришга 4 миллиард тенге;

* кўп тармоқли мажмуавий отчопар қурилишига 13 миллиард тенге ажратилади, – деди у.