ҚР Президенти Қасим-Жўмарт Тўқаев расмий ташриф билан Иордания Ҳошимийлар Қироллигига борди

Қизғин музокаралар якунида Қозоғистон Республикаси Президенти Қасим-Жўмарт Тўқаев ва Иордания Ҳошимийлар Қироллиги Қироли Абдулла ибн Ал-Ҳусайн II қўшма баёнот қабул қилди.

Шунингдек, Давлат раҳбарлари иштирокида қуйидаги ҳужжатлар имзоланди:

1. Қозоғистон Республикаси Ҳукумати ва Иордания Ҳошимийлар Қироллиги Ҳукумати ўртасида саноат кооперацияси масалалари бўйича ўзаро англашув меморандуми;

2. Қозоғистон Республикаси Энергетика вазирлиги ва Иордания Ҳошимийлар Қироллигининг Атом энергияси бўйича комиссияси ўртасида атом энергиясидан тинч мақсадларда фойдаланиш соҳасидаги ҳамкорлик тўғрисидаги англашув меморандуми;

3. Қозоғистон Республикаси Миллий иқтисодиёт вазирлиги ва Иордания Ҳошимийлар Қироллиги Саноат, савдо ва таъминот вазирлиги ўртасида ўзаро англашув ва ҳамкорлик тўғрисидаги меморандум;

4. “Самұрық-Қазына” Миллий компанияси ҲЖ ва Иордания Ҳошимийлар Қироллиги  Сармоялар вазирлиги ўртасида ҳамкорлик тўғрисидаги битим;

5. “Қозоғистон Республикаси Президентининг Телерадиомажмуаси” республика давлат корхонаси ва Иордания радио ва телевидение корпорацияси (Jordan Radio and Television Corporation) ўртасида ўзаро англашув ва ҳамкорлик тўғрисидаги меморандум.

Шунингдек, Давлат раҳбарининг Иорданияга расмий ташрифи доирасида 10та идоралараро ва тижорат ҳужжатлари имзоланди.

Учрашув якунида Давлат раҳбари Абдулла ибн Ал-Ҳусайн IIни “Алтын Қыран” ордени билан тақдирлади.

Сўнг Президент Қасим-Жўмарт Тўқаев расмий ташриф доирасида Иордания музейига борди.