Йил охирига қадар Туркистон вилоятидаги 640та аҳоли манзилида истиқомат қилаётган қарийб икки миллион аҳоли табиий газдан фойдаланиш имкониятига эга бўлади. Бу ҳудуднинг газлаштириш даражасини 90 фоизга етказиш имконини беради. Ҳукумат йиғилишида вилоят ҳокими Нуралхан Кўшеров ана шуларни маълум қилди.

Унинг таъкидлашича, бугунги кунда вилоятдаги 840та аҳоли манзилининг 606таси газ билан таъминланган, аҳоли сони бўйича газлаштириш даражаси 88 фоизга етган. Ўтган йили 87та иншоот қурилиши учун 20,7 миллиард тенге ажратилди. Амалга оширилган ишлар натижасида 102 мингга яқин аҳоли истиқомат қиладиган 41та қишлоқ табиий газ билан таъминланди. Жорий йилда газлаштиришни давом эттириш ва 74та иншоот барпо этилиши учун 13,7 миллиард тенге йўналтирилди.

– Йил охирига қадар 33та иншоотни фойдаланишга топшириш режалаштирилган. Бу эса 34та аҳоли манзилида яшовчи 35 мингдан зиёд аҳолини табиий газ билан таъминлаш имконини беради. Қолган 41та иншоот келгуси йилга ўтади. Натижада газлаштириш даражаси 90 фоизга етказилиб, 640 аҳоли манзилида истиқомат қилувчи икки миллионга яқин аҳоли табиий газдан фойдаланиш имкониятига эга бўлади, – деди вилоят ҳокими.