Туркистон вилояти Ижтимоий тараққиёт бошқармасининг “Ёшлар имконият маркази” ДКК ташкил этилган “OTBASY LIFE” вилоят оилавий танловида Сариоғоч тумани номидан иштирок этган ёш оилалар юксак натижа кўрсатиб, совринли ўринлар ва махсус номинацияга сазовор бўлишди.

Танловнинг асосий мақсади – ёш оилаларни қўллаб-қувватлаш, оиланинг жамиятдаги ўрнини мустаҳкамлаш, миллий қадриятлар ва урф-одатларни тарғиб қилиш, шунингдек, ёш оилалар ўртасида ўзаро ҳурмат ва ҳамжиҳатликни ривожлантиришдан иборат.

Вилоят босқичидаги танловда Туркистон вилоятининг шаҳар ва туманларидан сараланган 14та ёш оила иштирок этиб, бешта шарт бўйича ўзаро беллашишди. Иштирокчилар миллий анъаналарни тарғиб қилиш, ижодий қобилиятлари, салоҳияти ҳамда оилавий қадриятларни тарғиб қилиш йўналишида ўз маҳорат ва билимларини намоён этдилар.

Танлов якунларига кўра, Сариоғоч туманидан иштирок этган Дастан Шарипбаев ва Гулбаршин Абеннинг оиласи III ўринни қўлга киритди. Шунингдек, Мадиярхан Ауезхан ва Қалжан Алимбекқизи оиласи “Баракали оила” махсус номинацияси билан тақдирланди.

Ушбу ютуқ туман ёшларининг фаоллиги ва оилавий қадриятларни тарғиб этиш йўлидаги ҳиссасининг яққол ифодасидир. Ёш оилалар муваффақияти барчага намуна, жамиятда оиланинг аҳамиятини янада юксалтиришга хизмат қилиши шубҳасиз.