Ўзбекистон Республикасининг Самарқанд шаҳрида илк ташкил этилган “Қардош шаҳарларнинг халқаро анжумани” ўтди. Нуфузли анжуманда дунёнинг 20га яқин мамлакатидан 300 нафардан зиёд иштирокчи жам бўлди.

Улар орасида Қозоғистон, Қирғизистон, АҚШ, Озарбайжон, Сербия (Белград), Япония, Хитой, Россия, Туркия ҳамда бошқа давлатларнинг шаҳар ҳокимлари, халқаро ташкилотлар, давлат идоралари, бизнес ҳамжамияти вакиллари ҳамда таҳлилчилар иштирок этишмоқда.

Анжуманда Туркистон шаҳар ҳокими ўринбосари Бекбўл Аманжол ва тадбиркорлик ҳамда сайёҳлик бўлими раҳбари Ўмирзақ Адхам иштирок этмоқда.

Анжуманнинг энг муҳим натижаларидан бири сифатида Туркистон шаҳри билан Ўзбекистоннинг Риштон шаҳри ўртасида қардошлик ва ҳамкорлик муносабатларини ўрнатиш тўғрисидаги меморандум имзоланди. Ушбу ҳужжат икки шаҳар ўртасидаги ҳамкорликни янги босқичга олиб чиқиб, савдо-иқтисодий алоқаларни кенгайтириш, сармояларни жалб этиш, сайёҳликни ривожлантириш, таълим, илм-фан, маданият, спорт ва ёшлар сиёсати соҳаларида тажриба алмашиш, шунингдек, қўшма лойиҳаларни амалга ошириш учун мустаҳкам замин яратади.

Тадбир доирасида вакиллар “Мангу шаҳар” сайёҳлик мажмуасида ўтказилган дўстлик ниҳолларини экиш маросимида ҳам иштирок этдилар. Мазкур эзгу анъана қардош шаҳарлар ўртасидаги дўстлик, ўзаро ишонч ва узоқ муддатли ҳамкорлик рамзи сифатида уюштирилди.

Шунингдек, B2B ва B2G шаклларида учрашувлар ўтказилиб, тадбиркорлар, сармоядорлар ва давлат идоралари вакиллари сармоявий лойиҳаларини амалга ошириш, ишбилармонлик алоқаларини кенгайтириш ҳамда ҳудудлараро ҳамкорликни ривожлантириш масалаларини муҳокама қилдилар.

Туркистон – туркий оламнинг маънавий пойтахти, Қозоғистоннинг тарихий ва сайёҳлик марказларидан бири ҳисобланади. Риштон эса анъанавий кулолчилик санъати билан дунёга машҳур Ўзбекистоннинг қадимий шаҳарларидан бири.

Икки шаҳар ўртасидаги ҳамкорлик маданий меросни асраш, сайёҳлик, ҳунармандчилик ва тадбиркорликни янада ривожлантиришга янги суръат бағишлайди.

Самарқанддаги халқаро анжуман доирасида эришилган келишувлар Қозоғистон ва Ўзбекистон ўртасидаги стратегик шерик лик муносабатларини янада мустаҳкамлаш, ҳудудлараро ҳамкорликни янги босқичга олиб чиқиш ҳамда қардош шаҳарлар ўртасида қўшма ло йиҳаларни ҳаётга татбиқ этиш учун мустаҳкам пойдевор яратади.