Вилоят марказида мутафаккир ва маърифатпарвар Абай Қўнанбайули таваллудига бағишлаб, унинг ҳайкали пойига гулчамбар қўйиш маросими ўтди. Тадбирда вилоят ҳокими Нуралхан Кўшеров, зиёлилар, фахрийлар, маданият ва санъат намояндалари, ёшлар ҳамда шаҳар аҳолиси иштирок этди.

Тадбирда сўзга чиққан вилоят ҳокими Нуралхан Кўшеров йиғилганларни Абай куни билан табриклади.

– Президентимиз Қасим-Жўмарт Кемелули Тўқаев Абай меросини улуғлаш элни бирлаштирадиган, ёш авлод онгини, тафаккурини шакллантирадиган муҳим қадрият эканлигини ҳамиша таъкидламоқда. Шу боис, Абайни англаш – ўзимизни англаш, Абайни ўқиш – юрт келажагига хизмат қилишдир. Буюк Абай: “Бир-бирингга қозоқ, дўст бўл, дўст кўрмасанг – барча ишинг беҳуда”, дея халқни бирликка чорлаган. Бу бизнинг асосий тамойилимиз бўлиши керак. Абай куни муборак бўлсин! Абай васиятига содиқ қолиб, юртга сидқидилдан хизмат қилайлик! – деди Нуралхан Ўралбайули.

Тадбир давомида Туркистон шаҳар болалар ва ўсмирлар маркази ўқувчилари ўз санъатларини намойиш этиб, Абай шеърларидан адабий композиция тақдим этишди. Шунингдек, Абайнинг “Кўзимнинг  қораси” қўшиғи тадбирга файз бағишлади.

 Авлодлар ўртасидаги маънавий боғлиқликни мустаҳкамлаш мақсадида вилоят ҳокими Нуралхан Кўшеров ва фаоллар ёшларга қозоқ адабиётининг машҳур асари – М. Ауезовнинг “Абай йўли” роман-эпопеясининг кўп жилдлик тўпламини туҳфа қилди.