Ўзбекистон Республикасининг пойтахти Тошкент шаҳрида қозоқ халқининг буюк шоири, мутафаккир Абай Қунанбайулининг таваллудига 181 йил тўлиши муносабати билан мазмунан бой, тарбиявий аҳамияти залворли маданий-маърифий тадбир ўтди.

Тадбирда юрт оқсоқоллари, зиёлилар, маданият намояндалари, этномаданият бирлашмалари раҳбарлари, жамоат фаоллари ҳамда ёшлар иштирок этди.

Йиғилишда ҚРнинг Ўзбекистон Республикасидаги Фавқулодда ва Мухтор Элчиси Ерали Луқпанули, Ўзбекистон Ёзувчилар уюшмаси раиси Сирожиддин Саййид, Ўзбекистон Республикаси Қозоқ миллий маданият маркази раиси Серикбай Усено́в, ҚР ”Дўстлик” ҳамжамиятининг фахрий раиси, Халқаро Амир Темур жамғармасининг Қозоғистон Республикасидаги бўлими раҳбари Икром Ҳошимжонов ва ташкилотчилар сўзга чиқдилар.

Абай меросининг Қозоғистон ва Ўзбекистон ўртасидаги маънавий алоқаларни мустаҳкамлашдаги алоҳида аҳамиятини таъкидлади. Ўзбекистон Республикаси Президенти Шавкат Мирзиёевнинг ташаббуси ва тегишли қарорлари доирасида Абай Қунанбайулининг ҳаёти ва ижодини Ўзбекистон мактаблари, олий таълим муассасалари ҳамда коллежларида ўрганиш борасида тизимли ишлар амалга оширилаётганини қайд этди.

Тадбир давомида ёшларнинг фаол иштироки ҳам алоҳида эътироф этилди.

Элчи Ерали Тўғжанов ёшларнинг жамоатчилик ташаббуслари ва икки давлат ўртасидаги маданий-гуманитар алоқаларни ривожлантиришга қаратилган ишларини юқори баҳолади.

Икки мамлакат ўртасидаги маданий ва инсонпарварлик алоқалари мазмунли учрашувлар билан улуғвор қиёфа касб этиб, халқлар дўстлигининг мустаҳкамланиши – умумий мақсад ва эзгу ниятларнинг яққол ифодасидир.