“Руҳий қўллаб-қувватлаш маркази”нинг ташаббуси билан “Руҳий қўллаб-қувватлаш: бугунги вазифа, эртанги натижа” мавзуида тадбир ўтказилди. Унда таълим, соғликни сақлаш, ҳуқуқ-тартибот идоралари вакиллари, фаол жамоатчилар, руҳшунослар иштирок этди.

Вилоят таълим бошқармаси раҳбари Ғалимжан Ўринов, Болалар ҳуқуқларини муҳофаза қилиш бошқармаси раҳбари Балмаржан Нарбекова, “ҚР Қизил ой” жамоат бирлашмасининг вилоят бўлими директори Малика Жусупова, вилоят Полиция департаменти директори Ермек Ўсербаев маъруза қилиб, руҳий қўллаб-қувватлаш борасидаги муҳим масалаларга тўхталишди. 

Мажлисда, шунингдек, оила руҳшуноси, “Оила Академияси”нинг таъсисчиси Ержан Мирзабай, Асфендияров номли Қозоқ миллий тиббиёт университети профессори Айжан Қудайбергенова, “REFRAME” шахсни ривожлантириш маркази диреткори Гулжан Вероцкая, вилоят Соғликни сақлаш бошқармасига қарашли “Вилоят соғликни сақлаш маркази” шифокор-руҳшуноси Зулфия Қалиева, “Туркистон вилоят Руҳий қўллаб-қувватлаш маркази” директори М. Баймуханбетовалар маъруза қилишди. 

Улар болалар ва ўсмирларнинг руҳий ҳолатини сақлаш, оилавий муносабатларни созлаш, ўз жонига қасд қилиш ҳолатларининг олдини олиш, оғир аҳволдаги болаларга ёрдам кўрсатиш, руҳшунос-муаллимларнинг касбий масъулияти масалаларига оид фикрлар билан ўртоқлашдилар.