Вилоятимиз сармоя жалб қилиш бўйича мамлакатимиздаги етакчи минтақалар сафида. Айниқса, чет эл капиталини жалб қилиш, йирик сармоявий лойиҳаларни амалга ошириш ва сармоядорларга қулай шароит яратиш йўналишида тизимли ишлар юритилмоқда. 

Ҳа, ҳақиқатан ҳам Туркистон вилоятига сармоядорларнинг қизиқиши ортмоқда. Жорий йилда вилоятга 1,8 триллион тенге сармоя жалб қилиш режаланган. Йилнинг дастлабки чорагида минтақа иқтисодиётига жалб қилинган хорижий сармоялар ҳажми 115 миллион АҚШ долларига етди. 

Бугунги кунда 2,8 триллион тенгени ташкил қилувчи 122та сармоявий лойиҳа амалга оширилмоқда, натижада, 17 мингдан зиёд янги иш ўрни очилади.

Жорий йилнинг ўзида 370 миллиард тенгега 67та лойиҳани амалга ошириб, 6 мингга яқин иш ўрни очиш кўзланган. 

Сармоядорларга қулай шароит яратиш мақсадида, иқтисодий ҳудуд, 21та индустриявий минтақа ва 29та кичик саноат майдони фаолият юритмоқда. 

Бундан ташқари, сармоя жалб қилиш ва сармоядорларни қўллаб-қувватлаш борасида «Turkistan invest» ҳудудий фронт-офиси “Ягона дарча” шакли бўйича сармоявий лойиҳаларни амалга оширишнинг барча босқичида ёрдам кўрсатади.