Туркистон шаҳридаги 5574 ҳарбий қисмида аскарларнинг хизматини улуғлаш ва фаолларини тақдирлашга бағишланган тантанали тадбир ўтди. 

Унда Туркистон вилояти ҳокимининг биринчи ўринбосари Зулпихар Жўлдасов, ҚР Миллий хавфсизлик қўмитасининг Туркистон вилояти бўйича департаменти бошлиғи, генерал-майор Бўлат Қалмурзаев, шунингдек, прокурор Бауржан Мирзакеров иштирок этди.

Тадбирда ҚР Президентининг Фармони билан Туркий давлатлар ташкилотининг норасмий саммитини ўтказиш жараёнида зиммасидаги вазифаларини намунали бажариб, юксак касбий маҳорат кўрсатгани учун ҳарбий қисм командири, полковник Тўлеген Шинибеков «Жанговар жасорати учун» медали билан тақдирланди.

Шунингдек, ҚР Ички ишлар вазири ўринбосари – Миллий гвардия Бош қўмондонининг буйруғи билан ҚР Миллий гвардиясининг «Бүркіт» махсус бўлинмалари ташкил этилганининг 25 йиллиги муносабати билан полиция генерал-майори Аристанғани Заппаров кўкрак нишони билан тақдирланди.

Тантанали маросим давомида ҚР Ички ишлар вазирининг буйруғига мувофиқ ҳарбий қисм жисмоний тарбия ва спорт етакчиси, катта сержант Бекжигит Бекназаровга илк зобитлик ҳарбий мартаба – «лейтенант» унвони берилди.

Тадбир давомида ҳарбий хизматчиларга Ватан олдидаги бурчини шараф билан адо этиб, юксак маҳорат ва масъулият намоён этганликлари учун миннатдорчилик изҳор этилди.