Вилоят ҳокими Нуралхан Кўшеров Сайрам тумани аҳолиси билан учрашиб, уларнинг мурожаат ва таклифларини тинглади. Учрашувда туманнинг ижтимоий-иқтисодий тараққиёти, амалга оширилаётган тадбирлар ҳамда истиқболдаги режалар ҳақида гап борди.

Таълим соҳасида туманда қатор муҳим лойиҳалар амалга оширилмоқда. “Бадастир мактаб” лойиҳаси доирасида ўтган йили Оқсувкент қишлоғида 600 ўринли мактаб фойдадланишга топширилди. Шунингдек, 89-сонли “Қайнарбулоқ”, 3-сонли Ҳамза ва Айша-Бибі номли мактаблар таъмирланиб, замонавийлаштирилди. Жорий йилда Жибек жўли қишлоғидаги “Бөкейхан” умумтаълим мактаби учун 300 ўринли қўшимча ўқув биноси барпо этилмоқда. Мазкур иншоотни сентябрь ойида фойдаланишга топшириш режалаштирилган.

Соғликни сақлаш соҳасида ҳам муҳим ишлар амалга оширилмоқда. “Қорабулоқ” туман касалхонаси ҳамда “Оқсувкент” туман марказий касалхонаси бинолари мураккаб таъмирдан ўтмоқда. Аҳолини ичимли сув билан таъминлаш масаласига ҳам алоҳида эътибор қаратилган. Хўжақўрғон, Нуржонқўрғон ва Қорабулоқ қишлоқларида ичимли сув тармоқларининг қурилиши давом этмоқда. Бундан ташқари, жорий йилда еттита қишлоқда ичимли сув тизимлари жорий таъмирдан ўтказилади. Саккизта қишлоқда электр тармоқларини замонавийлаштириш ишлари амалга оширилиб, иншоотлар фойдаланишга топширилган.

Сайрам туманини табиий газ билан таъминлаш ҳам тўлиқ поёнига етди. Ўтган йили Кўлкент қишлоғини газлаштириш поёнига етган бўлса, жорий йилда Қутарис ва Қизилжар қишлоқлари табиий газ тармоғига уланди. Натижада, Сайрам тумани аҳолисини табиий газ билан таъминлаш даражаси муваффақиятли уддаланди. Учрашувдан сўнг вилоят ҳокими аҳоли қабулини ўтказиб, уларнинг мурожаат ва таклифларини тинглади. Қабул давомида ноқонуний фойдаланилаётган яйловлар, ички йўлларни асфальтлаш, интернет сифати, ичимли сув, таълим ва соғликни сақлаш соҳаларига оид масалалар илгари сурилди.

Вилоят ҳокими ҳар бир мурожаат эътиборга олинишини таъкидлаб, масъулларга кўтарилган масалаларни чуқур ўрганиш ва уларни ҳал этиш юзасидан тегишли чоралар кўришни топширди.