Қазиғурт туманида Давлат раҳбари Қасим-Жўмарт Тўқаев ташаббуси билан амалга оширилаётган “Тоза Қозоғистон” умуммиллий лойиҳаси доирасида вилоят “Зилол булоқ” экологик тадбири уюштирилди. Табиатни муҳофаза қилишга бағишланган ибратли ҳашар Шарбулақ қишлоғидаги тарихий булоқ бошида ўтди.

Тадбирда вилоят маслаҳати раиси Нурали Абишов, вилоят маслаҳати депутати Нуржан Аширов, Қазиғурт тумани ҳокими Азизхан Исмаилов, коммунал муассаса ходимлари, кўнгиллилар, фаол ёшлар, қишлоқ нуронийлари иштирок этиб, табиатни муҳофаза қилиш ишларига ўз ҳиссаларини қўшдилар.

Натижада Шарбулоқ қишлоғидаги булоқлар атрофи чиқиндидан тозаланиб, гул кўчатлари ўтқазилди, кўкаламзорлаштириш ва ободонлаштириш ишлари амалга оширилди.

Тадбирда иштирок этган вилоят маслаҳати раиси Нурали Абишов табиатни муҳофаза қилиш – ҳар бир фуқаронинг бурчи эканлигини таъкидлади.

– Халқимизда “Булоқ кўрсанг – кўзини оч”, деган доно нақл бор. Бу – ота-боболаримиздан қолган удум. Табиат – барчамизнинг бойлигимиз, ҳар бир булоқ – келажак авлодга қоладиган мерос. Шу боис, она замин тозалиги ва гуллаб-яшнашига барчамиз ҳисса қўшишимиз лозим, – деди у.

“Зилол булоқ” – атроф-муҳитни муҳофаза қилиш билан бирга, она юртга меҳр-муҳаббатни кучайтириб, экологик маданиятни шакллантиришга ҳисса қўшувчи муҳим ташаббус.