Туркистон шаҳрида замонавий вирусология лабораторияси тантанали равишда очилди. Тадбирда иштирок этган вилоят ҳокимининг биринчи ўринбосари Зулпиқар Сансизбайули ушбу лабораториянинг аҳоли зич яшайдиган вилоятимиз учун аҳамияти ва моҳиятига батафсил тўхталди. 

– Ҳурматли меҳмонлар ва иштирокчилар! Биз инсон саломатлигини сақлаш ва эпидемиологик вазиятни яхшилаш борасида амалга оширилаётган улкан янгиликнинг гувоҳи бўлмоқ дамиз. Туркистон шаҳрида фаолиятини бошлаётган янги лаборатория COVID–19 пандемия офати рўй берган 2020 йил аччиқ сабоқлари вирус офати билан курашда мана шундай замонавий лабораториялар зарурлигини тақозо этиб қўйганди. Ушбу ташаббусни қўллаб, маблағ ажратган ҚР пандемияга қарши кураш жамғармаси, Жаҳон соғликни сақлаш ва БМТ ташкилотларига самимий миннатдорчилик билдирамиз. Янги жамоа фаолиятида омад ва муваффақият ёр бўлсин. 

Шунингдек, тантанада сўзга чиққан ҚР Соғликни сақлаш вазирининг биринчи ўринбосари Тимур Султанғазиев, Жаҳон соғликни сақлаш ташкилотининг Қозоғистондаги вакили доктор Скендер Сула ҳамда Жаҳон соғликни сақлаш ташкилотлари вакиллари доктор Ампаро Елена Кордилло ҳамда Катарзина Вавиерниялар сўзга чиқиб, янги лаборатория билан туркистонликларни муборакбод этди. Тантанали равишда очилган мармар лавҳада ушбу лабораторияни бунёд этишга ҳисса қўшган республика ва жаҳон миқёсидаги ташкилотлар рўйхати битилиб, уларнинг вакилларига миннатдорчилик изҳор этилган. Меҳмонлар лаборатория фаолияти билан танишиб, ҳомийлардан берган саволларига батафсил жавоб олдилар.