Туркистон шаҳридаги «Дўстлик уйи»да вилоят Полиция департаменти бошлиғининг ўринбосари, полиция полковниги Шерали Адилханули этномаданият бирлашмалари раислари ва аъзолари билан учрашди. 

Учрашувни вилоят «Жамоат тотувлиги» ДКК раҳбари Эльмира Жанғазиева очиб, олиб борди. Йиғилишда вилоят, туман ва шаҳар этномаданият бирлашмалари вакиллари иштирок этди. 

Учрашувдан асосий мақсад – ҳуқуқбузарликларнинг олдини олиш, жамоат хавфсизлигини таъминлаш, миллатлараро тотувлик ва ижтимоий барқарорликни мустаҳкамлаш, шунингдек, полиция органлари ва этномаданият бирлашмалари ўртасидаги ўзаро ҳам¬корликни кучайтиришдан иборат эди. 

Тадбирда Давлат раҳбари томонидан илгари сурилган «Қонун ва интизом» тамойилини жамиятда кенг қарор топтириш, фуқаро¬ларнинг ҳуқуқий маданиятини ошириш, ёшлар ўртасида ҳуқуқбу¬зарликларнинг олдини олиш ва жамоат хавфсизлигини таъмин¬лаш масалалари муҳокама қилинди. 

Шерали Адилханули жамоат тартиби ва барқарорликни таъ¬минлашда жамоат ташкилотлари, жумладан, этномаданият бир¬лашмалари билан ўзаро ҳамкорликнинг муҳимлигига тўхталди. 

Учрашув якунида иштирокчилар ўзларини қизиқтирган масала¬лар юзасидан савол бериб, фикр алмашдилар. Томонлар жамият хавфсизлигини таъминлаш, ёшлар тарбияси ва миллатлараро то¬тувликни мустаҳкамлаш йўналишидаги ҳамкорликни бундан буён ҳам давом эттираверишга келишиб олдилар.