Давлат раҳбари Маданият ва ахборот вазири Арман Қириқбаевни қабул қилди, деб хабар тарқатди Kazinform агентлиги Ақўрда маълумотларига таянган холда. 

Мулоқот давомида Президент Қасим-Жўмарт Тўқаев Маданият ва ахборот вазирлиги фаолиятининг устувор йўналишларини белгилаб, қатор аниқ вазифалар юклади.

Давлат раҳбари маданият ва креатив соҳаларни янада ривожлантиришни, тарихий-маданий меросни сақлаш ва оммалаштириш борасидаги тадбирларни кучайтиришни топширди. Шунингдек, миллий маданиятнинг халқаро майдондаги иштирокини янада кенгайтириш, оммалаштириш муҳимлиги таъкидланди.

Алоҳида эътибор давлат ахборот сиёсати масалаларига қаратилди. Президент замонавий рақамли воқеликларни инобатга олган ҳолда қонунчиликни такомиллаштириш орқали миллий ахборот маконининг мавқеини мустаҳкамлашга саъй-ҳаракатларни йўналтириш зарурлигини қайд этди.

Шу билан бирга, Давлат раҳбари жамоат тотувлигини мустаҳкамлаш бўйича изчил ишларни давом эттириш, шунингдек, ёшларнинг соҳада тўлақонли фаолияти ва ижодини таъминлаш мақсадида шарт-шароитлар яратиш юзасидан аниқ топшириқлар берди.