Саккизинчи чақириқ Туркистон вилоят маслаҳатининг навбатдаги йигирма олтинчи сессияси ўтди. 

Унда вилоят ҳокими Н. Кўшеров, ҳокимлик аъзолари, шаҳар ва туман маслаҳатлари раислари, давлат идоралари раҳбарлари, Қазиғурт, Тўлебий, Тулкибош туманлари ҳокимлари, жамоат ташкилотлари ва ОАВ вакиллари иштирок этди.

Сессияни  вилоят маслаҳати раиси Н. Абишов олиб борди.

Кун тартибида 20та масала  кўрилди. Биринчи  масала – Туркистон вилояти ҳокими Н. Кўшеров зиммасига юкланган вазифаларнинг ижроси юзасидан  ҳисобот берди.  Ҳисобот муҳокамаси чоғида вилоят маслаҳати раиси Нурали Абишов минтақа ўтган йил якунлари ва жорий йилнинг етти ойидаги ижтимоий-иқтисодий тараққиёт кўрсаткичлари бўйича республикада етакчи ўринни эгаллаганини таъкидлади ва депутатлар номидан вилоят раҳбари фаолиятига  юксак баҳо берди.

Бундан ташқари, сессия давомида 2025 йилда Қазиғурт, Тўлебий ва Тулкибош туманларига республика ва вилоят бюджетларидан ажратилган маблағга доир масала ҳам кўриб чиқилди.

Навбатдаги масала – вилоят ветеринария, таълим, йўловчи транспорти ва автомобиль йўллари бошқармаларининг ҳисоботлари ҳам тингланди. 

Мажлисда депутатлар 2026-2028 йилларга мўлжалланган вилоят бюджетига ўзгартиришлар киритиш, шунингдек, маҳаллий аҳамиятга эга тарихий ва маданий ёдгорликлардан фойдаланиш учун ижара нархларини белгилаш масалаларини кўриб чиқишди.

Депутатлар «Туркистон вилоятининг фахрий фуқароси» (Туркистон вилоятининг шаҳар, туман) унвонини бериш қоидаларига ўзгартириш киритиш, вилоят маслаҳатининг айрим қарорларини бекор қилиш ва «Туркистон вилоят маслаҳати девони» давлат муассасаси низомларини тасдиқлаш масалалари билан ҳам танишдилар.