Туркистон шаҳридаги Фуқаролар қабули марказида вилоят ҳокимининг муовини Қанат Қайипбек аҳоли қабулини уюштириб, уларнинг мурожаат ва таклифларини тинглади.

Шахсий қабулда Туркистон шаҳри ҳамда Келес, Сариоғоч, Саврон ва Сўзоқ туманлари турғунлари иштирок этди. Фуқаролар асосан тадбиркорлик ташаббусларини амалга ошириш, имтиёзли насия олиш ва ер масалалари юзасидан мурожаат қилдилар. Жумладан, Сариоғоч тумани фуқароси эски кийимларни қайта ишлаш лойиҳасини тақдим этиб, уни амалга ошириш учун имтиёзли кредит олишда ёрдам сўради. У муқаддам «Қишлоқ омонати» дастури доирасида қўллаб-қувватланиб, қайтарилмайдиган грант соҳиби бўлган. Лойиҳа билан танишган вилоят ҳокими ўринбосари соҳа мутасаддиларига тегишли молия тизимлари билан алоқа ўрнатиб, қонун доирасида қўллаб-қувватлаш зарурлигини уқтирди.

Қабулда бизнес иншоотини баҳолаш, яйловлардан фойдаланиш, карьер масаласи, ҳунармандчилик буюмларини сотишга кўмаклашиш каби масалалар илгари сурилди.

Қанат Қайипбек масъулларга ҳар бир масалани қонун талаблари доирасида ўрганиб,  уларни ҳал этиш йўлларини кўриб чиқишни топширди.