«Суықпен емдеу» деп аталатын криоаблацияның инновациялық әдісін пайдалана отырып, жүрекке оталарды Алматы қаласының №7 қалалық клиникалық ауруханасының, Қызылорда қаласының көпсалалы облыстық ауруханасының кардиологиялық орталығының мамандары бірлесіп жасады.

Криоаблацияға көрсеткіш – қақпақша ақаулары және жүрек ырғағының бұзылуы. Қарсы көрсетілімдер жоқ. Қан ұйығыштары болса да, хирургтар араласып, оларды алып тастайды.

Криоаблация тромбоэмболиялық асқынулар мен инсульттің алдын алуға көмектеседі.

Ота жергілікті анестезиямен тіліксіз жасалады. Арнайы катетер артерияға енгізіліп, жүректегі қан тамырларына жеткізіледі.

Аритмия орны табылғаннан кейін, бұл жерге арнайы катетер арқылы суық әсер етеді. Суықтың көзі - арнайы баллондағы азот оксиді.

Егер бұрын мұндай оталар жетекші ауруханаларда ғана жасалса, енді МӘМС жүйесінің арқасында аймақтарда жүректі криоаблациясы жасалады.

Отаның құны - шамамен 4 млн.теңге. Сақтандырылған азаматтар үшін – тегін.

2023 ж. басынан бері көпсалалы облыстық ауруханада 51 пациентке жүректі криоаблациялау бойынша оталар жүргізілді. Осы мақсаттарға Әлеуметтік медициналық сақтандыру қорынан 223,8 млн. теңге бөлінді.